Bihain long moa long sevenpla yia oli wok long stretim moni blongen, ol wok bai nau stat long bildim wanpla modern market facility long South Bougainville oli kolim long Buin International Market.
Ol wok bai stat longen bihain long PNG Gavman i sainim wanpla 12-point-8 million kina konstraksen kontrak wantaim South Korea kampani, KPT Engineering Limited long Port Moresby aste.
NBC Maus Blong Sankamap news i ripot olsem National Executive Council ibin oraitim displa kontrak we moni blongen ikam long South Bougainville District Development Authority.
PNG Works and Highways Department secretary, Gibson Holemba i tokaut long displa saening seremoni olsem South Bougainville MP, Timothy Masiu nau igopas long ol wok blong kirapim displa projek.
Credits
Image Details
Wanpla bikpla market day long Buin town (A. Laukai)